لە خۆپێشاندانەکانی شەوی ڕابردووی شاری بۆکان لە جادەی حەسار لاوێکی شۆڕشگێڕ بە ناوی "سامان قادربەیگی" کوڕی عەبدولکەریم خەڵكی گوندی کەرێزەی گڵێی ناوچەی توڕجانی سەقز نیشتەجێی بۆکان بە تەقەی ڕاستەوخۆی هێزەکانی ڕێژیمی تێرۆریستیی تاران شەهید بوو. ناوبراو پێشتریش چەندین جار لە خۆپیشاندانەکانی دیکەی کوردستان بە تەقەی هێزەکانی ڕێژیم بریندار ببوو.
لاوانی شۆڕشگێڕی شاری بۆکان لە ئاگادارکردنەوەی یەکتردا ڕایانگەیاندوە نایەڵن خوێنی هاوڕێکانیان بەفێرۆ بچێت و درێژە بە خۆپێشاندانەکان دەدەن.
جێی بیرهێنانەوەیە لە خۆپیشاندانەکانی شەوی ڕابردوو لە کوردستان "بورهان کەرەمی، فواد محەممەدی، زانیار ئەڵڵا مورادی و عیسی بیگلەری"یش بە تەقەی هێزە تێرۆریستییەکانی ڕێژیمی تاران شەهید بوون.
