لە بڵیندگۆی مزگەوتەکانی کوردستان دەنگی حەقخوازیی خەڵک بڵاو دەکرێتەوە.
هاوکات لەگەڵ خەباتی جەماوەریی و سەرهەڵدانی خەڵکی وەزاڵەهاتوو لە کوردستان، لە بڵیندگۆی مزگەوتی زۆربەی شارەکانی کوردستانیش، دەنگی حەقخوازیی و ئازادیخوازیی بڵاو دەکرێتەوە.
لە ماوەی ڕابردوودا لاوانی شۆڕشگێڕی شارەکان بەتایبەت لە مەهاباد، سنە، سەقز، بۆکان و زۆربەی شارەکان بڵینگۆی مزگەوتەکانیان بۆ بڵاوکردنەوە سروودی شۆڕشگێڕی و هاندانی خەڵک بۆ سەر شەقامەکان بەکار هێناوە.
ڕۆژی چوارشەممە ٢٦ی خەزەڵوەری ١٤٠١ی هەتاوی، لە مزگەوتەکانی شاری مەهاباد و گوندی "حاجی خۆش" و شارەدێی بۆڵواناوا لە ناوچەی لەیلاخی سنە و چەندین شوێنی دیکە سروودی "ئەی ڕەقیب" و سروودی شۆڕشگێڕی دیکە بڵاو کراوەتەوە.
