شۆرای مەکتەبی قورئانی کوردستان، لە بەیاننامەیەکدا سەرکوت، هێرش و دەسبەسەرکردنی مامۆستایانی ئایینیی لەلایەن هێزە ئەمنییەکانی ڕێژیمی ئێرانەوە مەحکووم کرد.
لەو بەیاننامەیەدا هاتووە کە دەبێ ئەو هەڵسوکەوتە دژەدینی و نایاساییەی ئەو ڕێژیمە بەخێرایی ڕاگیرێت و مامۆستایانی دەسبەسەرکراو ئازاد بکرێن.
هەروەها شۆرای مەکتەبی قورئانی کوردستان، لە کۆتایی ئەو بەیاننامەیەدا ڕایگەیاندووە کە کوشتن و ئەشکەنجە و دەسبەسەرکردنی ناڕازییان و خەڵکێک کە تەنیا داخوازییان لەبەرچاوگرتنی کەرامەتی ئینسانی و پێدانی ماف بە پێی یاسایە، بە هیچ شێوەیەک دۆخەکە بەرەو باشی نابات.
