لە بەرەبەیانیی ئەمڕۆ یەکشەممە ٢٩ی خەزەڵوەرەوە، چەکدار و بەکرێگیراوانی ڕێژیم بەربوونەتە گیانی خەڵک و تا ئێستا لە سەرکوت و وێرانکارییەکانیان بەردەوامن.
بە وتەی هاووڵاتییان زۆربەی دووکانەکانی گەڕەکی "بەری مەدرەسە"ی مەهاباد لەلایەن هێزەکانی ڕێژیمەوە دروانەتە بەر فیشەک و زەرەر و زیانی زۆر بە ماڵ و سەرمایەی خەڵک گەیشتووە.
هاووڵاتییان باس لەوە دەکەن کە زۆرێک لە دووکانەکانی خەڵک زەرەری چەند سەد ملیۆنییان لێکەوتووە.
چەکدار و بەکرێگیراوانی ڕێژیم بە چەکی قورس و سووک خەڵکیان داوەتە بەر فیشەک و دووکانەکانی خەڵکیان وێران کردوون.
