سپای پاسداران ژنی ئەو کەسانەی بەکرێگیراوی ڕێژیمن بانگ کردووە و کۆبوونەوەی بۆ گرتوون و باسی لە خۆپیشاندانەکان کردووە.
لە کۆبوونەوەدا باسی دوو شتیان بۆ کردوون:
یەکەم دڵخۆشیان کردوون و ورەیان بەو ژنە جاشانە داوە کە ئەم خۆپیشاندانانە کۆتاییان دێ و رێژیم هەر لە جێی خۆیە و نیگەرانی هیچ نەبن.
دووهەم پێیان وتوون کە ئەو کەسانەی کە لە خۆپیشاندانەکاندا گیانیان لەدەست داوە، بەدەستی حیزبەکان کوژراون.
ئەو کۆبوونەوەیە دەرخەری ئەوەیە کە ڕێژیمی ئێران بەگشتی ورەی نەماوە و بەرەو ڕووخان دەچێت و دەیهەوێ بەم شێوەیە ورە و دڵنیایی بە لایەنگرانی خۆی بدات.
لەلایەکی دیکەوە دەیهەوێ تاوانی کوشتنی لاوانی شۆڕشگێر، کە کاری سپای تێرۆریستیی پاسداران و جاشەکان بووە بخاتە ئەستۆی دژبەرانی خۆیەوە.
ڕێژیمی تێرۆریستیی ئێران لە بەرانبەر ئیرادەی شۆڕشگێڕانەی خەڵکدا بەچوک داهاتووە و خۆپیشاندانەکان لە کوردستان و ئێران سەرەڕای هەموو گوشارەکان بەردەوامە.
