شێخ حوسێن حوسێنی، کوڕی شێخ ئیسماعیل، شێخی تەریقەتی تاڵەبانی لە کامێران ڕایگەیاندووە دەبێ شۆڕشگێڕان لە کوردستان ئاگاداری پیلانەکانی ڕێژیمی تاران بن.
شێخ حوسێن حوسێنی ڕایگەیاندووە ئێوارەی یەکشەممە چەند جاش و بەکرێگیراوی ڕێژیمی ئێران لە کامێران لە هەوڵدا بوونە ماشینی شێخ حوسێن حوسێنی ئاگر تێبەردەن و بیخەنە ئەستۆی خەڵکی شۆڕشگێڕەوە.
ناوبراو باسی لەوە کردووە ئەو پیلانە نگریسەی ڕێژیمی ئێران لەلایەن لاوانی شۆڕشگێرەوە پووچەڵ کراوەتەوە.
شێخ حوسێن حوسێنی باسی لەوە کردووە ڕێژیمی ئێران دەیهەوێ خەڵکی شۆڕشگێڕ و شێخەکان بەدناو بکا و خەڵک بەلاڕێدا ببات.
ناوبراو وتوویەتی ئەو پیلانانەی ڕێژیمی ئێران لەکاتێکدایە کە هەزاران موسڵمانی شۆڕشگێڕ پشتیوانی خەڵكی شۆڕشگێڕی کامێرانە و پشتیوانی خەڵکی خۆیانن.
دوای ئەوەیکە ئەو پیلانە لەلایەن خەڵکەوە پووچەڵ کراوەتەوە دژی ڕێژیمی ئێران دروشمیان داوە.
