لە درێژەی شۆڕشە مەزنەکەی خەڵکی کوردستان دژی ڕێژیمی ئاخوندی، مامۆستایان و خوێندکارانی زانکۆی ئازادی سنە، ئەمرۆ یەکشەممە کۆبوونەوەیەکی ناڕەزایەتیی بەربڵاویان بەڕێوە برد.
ڕۆژی یەکشەممە ٦ی سەرماوەزی ١٤٠١ی هەتاوی، لە درێژەی خۆپیشاندانەکانی خەڵکی کوردستان دژی دەسەڵاتی سەرەڕۆ و گەندەڵی ئاخوندی، مامۆستایان و خوێندکارانی زانکۆی سنە بەمەبەستی پشتیوانی لە خەڵکی ڕاپەڕیوی ڕۆژهەڵات، دەستیان دایە خۆپیشاندان و ناڕەزایەتییەکی گشتی.
ڕاپەڕین و شۆڕشە مەزنەکەی خەڵکی کوردستان پاش تێپەڕبوونی زیاتر لە دوو مانگ، ئێستاش هەر بەردەوامە و خوێندکارانی زانکۆی سنە بە دروشمی ژن، ژیان، ئازادی و خوێندکار دەمرێ بەڵام ناحەقی قەبووڵ ناکات، بەرەوڕووی ئەو ڕیژیمە داگیرکەرە بوونەتەوە.
