ڕۆژی هەینی ٤ی سەرماوەز، دوو منداڵی تەمەن ١١ و ٨ ساڵی خەڵکی شاری سەردەشت بە تەقەی هێزەکانی سپای پاسداران بریندار بوون.
ئەو دوو منداڵە برای یەکترن و لە خاڵی پشکنینی سێڕای مەلا شێخ کەوتوونەتە بەر دەسڕێژی هێزەکانی سپای تێرۆریستیی پاسداران.
لەو هێرشەدا فەرزادی تەمەن ١١ساڵ سەری بە سەختی بریندار بووە و براکەشی چەندین ساچمە بەر لەشی کەوتووە و بریندار بووە.
دۆخی جەستەیی ئەو دوو منداڵە نالەبارە و بۆ نەخۆشخانە گوازراونەتەوە.
ڕێژیمی تێرۆریستیی کۆماری ئیسلامی لە ترسی ڕاپەڕینی خەڵک دەست لە هیچ جینایەتێک ناپارێزێت
