پاش شکستی تیمی فووتباڵی ڕێژیمی ئێران لە تیمی ئامریکا و حەزفی ئەو تیمە لە کێبڕکێی جامی جیهانیی قەتەر، خەڵکی ئێران لە هەموو شارەکان و بەتایبەتی کوردستان ڕژانە سەر شەقامەکان و خوشحاڵیی خۆیان دەربڕی.
ڕێژیمی ئێران داینابوو ئەگەر تیمەکەی بڕواتە قۆناغێکی دیکەوە لەو یاریانەدا، ڕۆژی چوارشەممە بکات بە پشووی فەرمی لە هەموو ئێراندا، بەڵام تیمی ڕێژیمی ئێران دۆڕا و بەو دۆڕانە دڵی خەڵکی ئێران بەتایبەتی خەڵکی کوردستان خۆش بوو.
خەڵک لە هەموو شارەکان بۆ دەربڕینی خوشحاڵیی خۆیان ڕژانە سەر شەقامەکان و دۆڕانێکی دیکە بۆ ڕێژیمی ئێران هاتە ئاراوە.
