ڕۆژی یەکشەممە ١٥ی خەزەڵوەر، خەڵکی بەهەڵوێست و شۆڕشگێڕی شاری مەریوان لە تۆڵەی خوێنی شەهید "نەسرین قادری" و پاڵپشتیی لە خۆپیشاندانە سەرتاسەرییەکانی خەڵکی کوردستان و ئێران، هاتنە سەر شەقامەکان و خۆپیشاندانیان بەڕێوە برد.
خەڵکی ڕاپەڕیوی شار لە گۆڕەپانی "مەردۆخ" و زۆربەی گەڕەکەکانی شار ڕژوانەتە سەر شەقام و دروشمی دژ بە دیکتاتۆر دەڵێنەوە و زۆربەی ڕێگاکانی شاریان گرتووە.
خەڵک هێرشیان کردووەتە سەر دەفتەری نوێنەرایەتیی "شیوا قاسمی" نوێنەری ڕێژیم لە مەریوان.
هێزەکانی ڕێژیم بەرەوڕووی خەڵک بوونەتەوە و شەڕ و تێکهەڵچوون ڕووی داوە و هێزەکانی ڕێژیم تەقەیان لە خەڵک کردووە.
لە ئێستادا زۆربەی گەڕەکەکانی شار لە دەستی خەڵکدایە و خەڵک داوا دەکەن خەڵکی شار هەموو بێنە سەر شەقام و ڕق و تووڕەیی خۆیان بەرامبەر بەو ڕێژیمە نیشان بدەن.
