سپای تێرۆریستیی پاسداران بە ناردنی هێز بۆ گۆڕستانی ئایچیی شاری سەقز کەشێکی ئەمنییەتیی لەو گۆڕستانە پێک هێناوە و بەبێ هۆ دەستیان کردووە بە ئازار و ئەزیەتی خەڵک.
بەپێی هەواڵی گەیشتوو بە ماڵپەڕی کوردستان میدیا، سپای تێرۆریستیی پاسداران شەوی پێنجشەممە ڕێکەوتی ١٧ی سەرماوەزی ١٤٠١ی هەتاوی، هێزێکی زۆری ناردووەتە سەر گۆڕستانی ئایچیی شاری سەقز و دەستیان کردووە بە ئازار و ئەزیەتی خەڵک.
ئەو سەرچاوەیە باسی لەوە کردووە کە هێزەکانی ڕێژیم بەبێ هیچ هۆکارێک کەسێکیان بەناوی "حەمە لاو" لەو شوێنە دەسبەسەر کردووە و بێسەروشوێن کراوە.
ڕێژیمی ئێران لە ترسی ڕاپەڕینی خەڵک لە هیچ هەوڵێک بۆ سەرکوتی خەڵک خۆی ناوبوێری و بەردەوامە لە سەرکوتی خەڵکی کوردستان.
