لە شاری سنە، دووکانداران کە لەلایەن ڕێژیمی ئێرانەوە گوشارێکی زۆریان خراوەتەسەر، بە پشتیوانی یەکتر ڕووبەڕووی هێزەکانی ڕێژیم بوونەوە.
ئەمڕۆ شەممە ڕێکەوتی ۱۹ی سەرماوەزی ١٤٠١ی هەتاوی، دووکاندارەکانی شەقامی فێردەوسی، شاپوور و بازاڕی سنە بۆ پشتیوانیی لەو دووکاندارانەی دووکانەکانیان پلۆمپ کراوە دووکانەکانیان داخست.
دوای ئەو کردەوەی دووکاندارەکان بۆ پشتیوانیی لەو دووکاندارانەی کە دووکانەکانیان پڵۆمپ کراوە، لەنێوان هێزە سەرکوتکەرەکانی ڕێژیمی ئێران و دووکاندارانی بوێر تێکهەڵچوون هاتووەتە ئاراوە.
لەو تێکهەڵچوونەدا هێزەکانی ڕێژیم لە سنە تەقەیان لە دووکاندارەکان کردووە.
لە دوای بانگەوازی گشتی بۆ مانگرتنی سەرتاسەری، لە دەیان شاری ئێران و کوردستان، دووکانداران بە داخستنی دووکان و بازاڕەکان دژی کۆماری ئیسلامیی ئێران مانیان گرت و لە ئێستادا هێزەکانی ڕێژیم گوشارییان خستووەتە سەر بازاڕییان.
