خەڵکی شاری بۆکان بۆ ڕێزگرتن لە یاد و ناوی شەهیدانی ڕێگای ئازادیی کوردستان سەردانی گڵکۆی شەهیدەکانی ئەم شارەیان کرد.
ڕۆژی هەینی ڕێکەوتی ٢٥ی سەرماوەز خەڵکی شاری بۆکان بۆ ڕێزگرتن لە یاد و ناوی شەهیدانی شۆڕشی ژینا و سەرجەم شەهیدانی کوردستان، سەردانی گڵکۆی شەهیدانی ئەم شارەیان کرد کە بۆ وەدەستهێنانی مافە ڕەواکانیان گیانی پاکی خۆیان پێشکەش بە ڕزگاریی خاک و نیشتمان کردووە.
خەڵکی دڵسۆز و وەفاداری کوردستان لەسەر گڵکۆی ڕۆڵە شەهیدەکانیان پەیمانی ڕێز و وەفاداری لەگەڵ ڕێگا و ڕێبازیان نوێ دەکەنەوە و بەڵێنی دەدەن کە ڕێگە نادەن خوێنی بەناحەق ڕژاوی ڕۆڵەکانیان بە فیڕۆ بچێت.
