کچانی شۆڕشگێری شاری کامێران، بە نووسینی دروشم ژن ژیان ئازادی لەسەر دیواری قوتابخانەکان، پشتیوانیی خۆیان بۆ شۆرشی سەرانسەریی گەلانی ئێران دەربڕی.
ڕۆژی پێنجشەممە، ١٠ی سەرماوەزی ١٤٠١ی هەتاوی، کچانی بوێر و ئازای شاری کامێران لە قوتابخانەکانی خۆیان بە نووسینی دروشمی ژن ژیان ئازادی و نیشانەی سەرکەوتن لەنێو پۆلەکانیاندا پشتیوانیی خۆیان بۆ شۆڕشی سەرانسەریی گەلانی ئێران بەدژی کۆماری ئیسلامی دەربڕی و بڕیاریان دا کە تا سەرکەوتن لە ڕیزی راپەڕینە سەرانسەرییەکانی گەلانی ئێراندان.
کۆماری ئیسلامیی ئێران هەموو هەوڵێکی خستووەتە گەڕ بۆ ئەوەی کچان و کوڕانی کوردستان سەرکوت بکا و واز لە داوای مافە ڕەواکانی خۆیان بهێنن، بەڵام لاوانی کورد لە هەموو شارەکانی کوردستان بەردەوام هۆشیارتر لە پێشوو بە گژی داگیرکەر‌دا دەچنەوە و لە هەموو ڕێگایەک بۆ گەیشتن بە ئامانجەکانیان کەڵک وەردەگرن.
