![](/content/upload/1/news/57840_w920.jpg)
لە بەلووچستان بۆ پشتیوانی لە ڕاپەڕینی خەڵکی ئەو شارە دژی ڕێژیمی ئێران و تۆڵەئەستاندنەوە لە جینایەتەکانی ڕێژیمی تاران "مەزارانی گومنامی بەلووچستان" چەند عەمەلیاتیان دژی هێزەکانی ڕێژیم ئەنجام داوە.
ڕۆژی پێنجشەممە ٨ی بەفرانباری ١٤٠١ی هەتاوی مەزارانی گومنامی بەلووچستان ماشینێکی پاسگای دۆزاپیان لە کەمەربەندیی ئەو شارە کردووەتە ئامانج.
ئەندامانی تیمەکانی مەزارانی گومنامی بەلووچستان ڕایانگەیاندووە لەو عەمەلیاتەدا دوو کەس لە مەئموورەکانی ڕێژیمی ئێران کە دەستیان لە سەرکوتی خەڵكدا هەبووە کوژراون.
مەزارانی گومنامی بەلووچستان، سەرەڕای ئەوەیکە تا ئێستا چەند عەمەلیاتیان دژی هێزەکانی ڕێژیم ئەنجام داوە، ڕایانگەیاندووە کە، ئەوان کەسانێکی خەڵكی و سەر بە خەڵكن و پشتیوانی خەڵكی ڕاپەڕیوی بەلووچستانن و بۆ بەرگری لە خەڵکی بەلووچستان بەرپەرچی هێرشەکانی ڕێژیمی ئێران دەدەنەوە.