![](/content/upload/1/news/57324_w920.jpg)
لە درێژەی مانگرتنە گشتییەکاندا لە ئێران و کوردستان، ئەمڕۆ هەموو خوێندکارانی زانکۆکان بەتایبەتی لە شارەکانی کوردستان مانیان لە خوێندن گرتووە و نەڕۆیشتوونەتە سەر کلاسەکان.
ئەمڕۆ چوارشەممە ١٦ی سەرماوەزی ١٤٠١ی هەتاوی، کە لە ئێران بە ڕۆژی خوێندکار ناودێر کراوە، هەموو خوێندکارانی زانکۆکانی ئێران بەتایبەتی زانکۆکانی کوردستان، مانگرتنی گشتییان ڕاگەیاندووە و نەڕۆیشتوونەتە سەر کلاسەکان.
لە کرماشان هەموو زانکۆکانی ئەو شارە بەهۆی مانگرتنی خوێندکارانەوە داخراون و خوێندکاران ناڕۆنە سەر کلاسی وانەکانیان و بڕیارە کە لە کاتژمێر ٣ی پاش نیوەڕۆوە بڕژێنە سەر شەقامەکان و وێڕای خەڵکی ڕاپەڕیوی ئێران و کوردستان، دژی دەسەڵاتی ئاخوندی خۆپیشاندان بەڕێوە بەرن.
هاوکات لە تاران و زۆربەی شارەکانی ئێران خوێندکاران مانگرتنی گشتییان ڕاگەیاندووە و کلاسەکانی وانە وتنەوەیان داخستووە.