لە درێژەی مانگرتن و ڕاپەڕینەکان دژی ڕێژیم، ئەمڕۆ دووکاندارانی تاناکۆرای شاری سنە مانیان گرتووە.
ڕۆژی پێنجشەممە ١٧ی سەرماوەزی ١٤٠١ی هەتاوی، بازاڕیان و دووکاندارەکانی بازاڕی تاناکۆرای شاری سنە بەمەبەستی پشتیوانی لە دووکاندارانی شەقامی فیردەوسی ئەو شارە کە هێزەکانی ڕێژیم ڕاستەوخۆ تەقەیان لە خەڵکی خۆپیشاندەر کردبوو هەموو بازاڕەکەیان داخستووە و مانیان گرتووە.
دووکاندارانی بازاڕی تاناکۆرای شاری سنە، بۆ پشتیوانی لە خەڵکی ڕاپەڕیوی کوردستان بەتایبەتی شاری سنە و هەروەها دژایەتی لەگەڵ ڕێژیم، هەموو دووکان و بازاڕەکانیان داخستووە و مانگرتنی گشتییان ڕاگەیاندووە.
