لە گوندی قومقەڵای ناوچەی شاروێرانی مەهاباد، ئەندامان و لایەنگرانی حیزبی دێموکرات بۆ پشتیوانی لە حیزبەکەیان و پاڵپشتی لە شۆڕشی سەرانسەری دژی ڕێژیم چالاکی تەبلیغییان بەڕێوە برد.
بەپێی هەواڵی گەیشتوو بە ماڵپەڕی کوردستان میدیا، شەوی یەکشەممە لە سەر دووشەممە، ١١ی بەفرانباری ١٤٠١ی هەتاوی، ئەویندارانی نیشتمان و ئەندامانی حیزبی دێموکرات، لە گوندی قومقەڵای ناوچەی شاروێرانی مەهاباد، بە نووسینی دروشم بەدژی کۆماری ئیسلامی لە سەر دیوار و شوێنە گشتییەکان چالاکیی تەبلیغییان بەڕێوە برد و پشتیوانی خۆیان لە حیزبی دێموکرات و شۆڕشی سەرانسەریی ژینا دەربڕی.
سەرەڕای ئەوەیکە هێزە داگیرکەرەکانی ڕێژیم بەمەبەستی تۆقاندنی خەڵک هەموو شارەکانیان مێلیتاریزە کردووە، بەڵام لاوانی شۆڕشگێری کوردستان بەگشتی و لاوانی گوندی قومقەڵا، لە چالاکییەکی تەبلیغیی‌دا پشتیوانیی خۆیان لە حیزبی دێموکرات و ڕاپەڕینی سەرانسەریی گەلانی ئێران دژی ڕێژیم دووپات کردەوە.
