کاک حوسێن تالانە، کەسایەتیی خۆشناو و نیشتمانپەروەری خەڵکی شاری نەغەدە، بەهۆی نەخۆشییەوە ماڵاوایی لە کەسوکار و نیشتمانەکەی کرد.
بەپێی هەواڵی گەیشتوو بە ماڵپەڕی کوردستان میدیا، ڕۆژی هەینی، ٩ی بەفرانباری ١٤٠١ی هەتاوی، کاک حوسێن تالانە، خەڵکی شاری نەغەدە و کەسایەتیی خۆشناو و نیشتمانپەروەری کوردستان، لە یەکێک لە نەخۆشخانەکانی ئەو شارە ماڵاوایی لە ژیان کرد و لەنێو ئاپۆرای خەڵکدا لە گۆڕستانی داش دوورگە، ئەسپەردەی خاکی پیرۆزی کوردستان کرا.
کاک حوسێن کەسایەتییەکی خوشناو و نیشتمانپەروەر و جێی متمانەی خەڵی ناوچەکە بوو.
دوو برای ناوبراو بە ناوەکانی مەحموود تالانە و کەریم تالانە، دوو شەهیدی نەمری ڕێگەی ئازادی و سەربەستیی کوردستان بوون، کە شەهید مەحموود لە شەرێکی قارەمانانەدا دژی ڕێژیم شەهید بوو و شەهید کەریمیش لە بەندیخانەکانی کۆماری ئیسلامی بە تاوانی ئەندامبوون لە حیزبی دێموکرات لە سێدارە درا.
حیزبی دێموکراتی کوردستانی ئێران سەرەخۆشی لە بنەماڵە و کەسوکاری کاک حوسێن و هەموو خەڵکی ناوچەکە دەکا و خۆی بە هاوبەشی خەمیان دەزانێت.
