کاک خەلیل خانی عەلایی ئەردەڵان، کەسایەتیی خۆشناو و نیشتماندۆستی ناوچەی سەقز بەهۆی نەخۆشییەوە ماڵاوایی لە ژیان کرد.
ڕۆژی دووشەممە ٢٥ی ڕێبەندانی ١٤٠١ی هەتاوی کاک خەلیل خانی عەلایی ئەردەڵان، گەورەی بنەماڵەی عەلایی ئەردەڵان، کەسایەتییەکی نیشتماندۆست و جێگەی متمانەی خەڵکی ناوچەی سەقز بەهۆی نەخۆشییەوە ماڵاوایی لە ژیان کرد.
کاک خەلێل لەنێو خەڵکدا کەسێکی خۆشەویست بووە و دەرگای ماڵەکەی بەردەوام بۆ هەژاران و لێقەوماوان ئاواڵە بووە و زۆر یارمەتی خەڵکی داوە و کێشە و گرفتی خەڵکی چارەسەر کردووە.
حیزبی دێموکراتی کوردستانی ئێران بەبۆنەی کۆچی دوایی کاک" خەلیل خانی عەلایی ئەردەڵان" سەرەخۆشی لە بنەماڵەی بەڕێزیان و سەرجەم خەڵکی ناوچەی سەقز دەکات و خۆی بە هاوبەشی خەمیان دەزانێت.
