بومەلەرزەیەک بە گەورەیی ٥.٦ پلەی ڕیشتر، بۆ جارێکی دیکە شاری "خۆی" سەر بە پارێزگای ورمێی هەژاند کە لە شارەکانی خۆی و سەڵماس برینداربوونی دەیان کەسی لێ کەوتەوە.
بەرەبەیانی ڕۆژی هەینی ٤ی خاکەلێوە، کاتژمێر نزیک ٦ و ٤٧ خولەک، بومەلەرزیەک بە گەورەیی ٥.٦ ڕیشتر، جارێکی دیکە شاری خۆی هەژاند کە بەو هۆیەوە هەتا ئێستا ١٢ کەس لە شاری خۆی و نزیک ٧٠ کەسیش لە شاری سەڵماس بریندار بوون کە بەشێکی زۆریان دەرمان کراون.
ئەو بومەلەرزەیە لە شاری ورمێ و چەند ناوچەی دیکەی پارێزگای ورمێ هەستی پێ کراوە.
پێشتریش لە ڕێکەوتی ٨ی ڕێبەندانی ١٤٠١ی هەتاوی، بومەلەرزەیەک بە گەورەیی ٥.٩ ڕیشتر، شاری خۆی لەرزاند کە ٣ کوژراو و برینداربوونی ٨١٦ کەسی لێ کەوتەوە و زیانی ماددیی زۆریشی بەدواوە بوو.
