دایە عایشە عەبدوولی، دایکی شەهید حەبیبوڵڵا زوڵفەقاری، بەهۆی نەخۆشییەوە ماڵاوایی لە ژیان کرد.
ڕۆژی سێشەممە ٥ی بانەمەڕی ١٤٠٢ی هەتاوی، دایە عایشە عەبدوولی، خەڵکی گوندی حەڵبێ سەر بە شاری نەغەدە و دایکی شەهید حەبیبوڵڵا زوڵفەقاری و پووری شەهید فەتاح عەبدوولی، لە تەمەنی ٩٠ ساڵیدا بەهۆی نەخۆشییەوە ماڵاوایی لە ژیان کرد.
دایە عایشە ژنێکی زۆر بە ورە و باوەڕمەند بە ڕێبازی دێموکرات، خۆشەویست لەناو لایەنگرانی حیزب، دڵسۆز و نیشتمانپەروەر بوو و جگەرگۆشەیەکی بە ناوی شەهید "حەبیبوڵڵا زوڵفەقاری" پێشکەش بە بارەگای ئازادیی کوردستان کرد.
دایە عایشە لە شەڕی حەڵبێ و کۆیکان سەنگەر بە سەنگەر نانی بۆ پێشمەرگان بردبوو و ماڵەکەی بەردەوام بنکەی پێشمەرگە بووە و هاوکاریی بریندارانی کردووە.
حیزبی دێموکراتی کوردستانی ئێران وێڕای دەربڕینی خەم و پەژارەی خۆی بۆ کۆچی دوایی دایە "عایشێ عەبدوولی" سەرەخۆشی لە بنەماڵەی بەڕێزیان و سەرجەم خەڵکی کوردپەروەری نەغەدە دەکات و خۆی بە هاوخەمیان دەزانێت.
