وریا نووری، خەڵکی گوندی ساڵیانی سنە و ئەندامی چالاکی حیزبی دێموکرات، بەهۆی ڕووداوی هاتوچۆ گیانی لەدەست دا.
ڕۆژی هەینی ٢٢ی بانەمەڕی ١٤٠٢ی هەتاوی، وریا نووری، ئەندامی چالاکی حیزبی دێموکراتی کوردستانی ئێران و خەڵکی گوندی ساڵیانی سەر بە ناوچەی کەڵاتەرزانی سنە، لە جادەی مەریوان و لە نزیک گوندی نژمار، بەهۆی ڕووداوی هاتوچۆ گیانی لەدەست دا.
وریا نووری یەکێک لە ئەندامانی چالاکی حیزب لە ناوچەی سنە بووە و بەوپەڕی دڵسۆزییەوە ئەرکە پێ ئەسپێردراوەکانی جێبەجێ کردووە.
حیزبی دێموکراتی کوردستانی ئێران بەبۆنەی کۆچی داوایی کاک "وریا نووری"، سەرەخۆشی لە بنەماڵەی بەڕێزیان و سەرجەم خەڵکی نیشتمانپەروەری ساڵیان و ناوچەی کەڵاتەرزان دەکات و خۆی بە هاوخەمیان دەزانێت.
