دایە خەدیجە مەنگوڕی، دایکی شەهید ئیبراهیم پێرەو، بەهۆی نەخۆشییەوە ماڵاوایی لە ژیان کرد.
لە ماوەی چەند ڕۆژی ڕابردوودا دایە خەدیجە مەنگوڕی، خەڵکی پیرانشار و دایکی شەهیدێکی حیزبی دێموکراتی کوردستانی ئێران بە ناوی شەهید ئیبراهیم پێرەو، بەهۆی نەخۆشییەوە ماڵاوایی لە ژیان کرد.
دایە خەدیجە کەسێکی نیشتمانپەروەر و حیزبخۆشەویست بوو و هەمیشە ئاواتی ڕزگاریی نیشتمانەکەی لە دڵدا بوو.
شەهید ئیبراهیم پێرەو، یەکێک لە پێشمەرگە ئازا و دڵسۆزەکانی حیزبی دێموکراتی کوردستانی ئێران، هاوینی ساڵی ١٣٧١ی هەتاوی لە تێکهەڵچوونێکدا لەگەڵ هێزەکانی ڕێژیم لە قەڵاتی سنان، پاش شەڕێکی قارەمانانە شەهید و تێکەڵ بە کاروانی نەمرانی مێژوو بوو.
حیزبی دێموکراتی کوردستانی ئێران، بەبۆنەی کۆچی دوایی دایە "خەدیجە مەنگوڕی" سەرەخۆشی لە بنەماڵەی بەڕێزیان و سەرجەم خزم و کەسوکاریان دەکات و خۆی بە هاوخەمیان دەزانێت.
