کاک مەلا ساڵح خزری، کەسایەتیی نیشتمانپەروەر لە شاری شنۆ، بەهۆی نەخۆشییەوە ماڵاوایی لە ژیان کرد.
ڕۆژی پێنجشەممە ١ی پووشپەڕی ١٤٠٢ی هەتاوی، کاک مەلا ساڵح خزری، کەسایەتیی نیشتماپەروەر و خۆشناو و برای شەهیدێکی ڕێگەی ڕزگاریی کوردستان بە ناوی شەهید کاک مەلا محەممەدئەمین خزری، بەهوی نەخۆشییەوە لە شاری شنۆ ماڵاوایی لە ژیان کرد.
ناوبراو کەسێکی نیشتمانپەروەر و خۆشناو و جێی متمانەی خەڵکی شاری شنۆ و ناوچەکانی دەوروبەری بوو، هەروەها لەبەر ئەوەیکە لە شنۆ کارمەندی نەخۆشخانە بوو، هەرکات خەڵکی نیشتمانپەروەر پێویستیان بە دەرمان و هەر پێویستییەکی دیکە هەبا یارمەتیی دەدان و تەنانەت کاتی خۆی بە گوێرەی پێویست یارمەتیی پێشمەرگە بریندارەکانیشی داوە.
حیزبی دێموکراتی کوردستانی ئێران بەبۆنەی کۆچی دوایی کاک مەلا ساڵح، پرسە و سەرەخۆشیی خۆی ئاراستەی بنەماڵە و کەسوکاری ناوبراو دەکات و خۆی بە هاوخەمیان دەزانێت.
