بنەماڵەی سەربەرزی شەهیدان لە شارەکانی مەهاباد و بۆکان، بە سەردانکردنی گڵکۆی شەهیدانی ڕێگەی ئازادی و سەربەستی، یادی شەهیدانیان بەرز ڕاگرت.
ڕۆژی چوارشەممە ڕێکەوتی ۷ی پووشپەڕی ۱۴۰۲ی هەتاوی، بەبۆنەی جێژنی قوربان، بنەماڵەی سەربەرزی شەهیدان لە شارەکانی مەهاباد و بۆکان، سەردانی گڵکۆی شەهیدانیان کرد و یادی شەهیدانیان بەرز گرت و پەیمانی وەفادارییان لەگەڵ ڕێبازی شەهیدان نوێ کردەوە.
لەو سەردانەدا لەگەڵ شەهیدانی سوورخەڵاتی گەل پەیمانی وەفاداری نوێ کرایەوە و لەسەر گڵکۆی شەهیدان ئاڵای پیرۆزی کوردستان و ئارمی حیزبی دێموکرات بەرز کرایەوە.
بەو کارە، بنەماڵەی سەربەرزی شەهیدان بۆ جارێکی دیکە خاوەندارییان لە ڕۆڵە شەهیدەکانی خۆیان کرد و تاوانەکانی ڕێژیمی تارانیان مەحکووم کردەوە.
