کۆمەڵێک لە خانەنشینکراوانی ئیدارەی دابینکردنی کۆمەڵایەتی لە ٥ شاری ڕۆژهەڵاتی کوردستان و ئێران، کۆبوونەوەی ناڕەزایەتییان بەڕێوە برد.
بەپێی ڕاپۆرتی هەواڵدەریی "هێرانا"، ڕۆژی یەکشەممە ١١ی پووشپەڕی ١٤٠٢ی هەتاوی، کۆمەڵێک لە خانەنشینکراوانی ئیدارەی دابینکردنی کۆمەڵایەتی لە شارەکانی "کرماشان، شووش، ڕەشت، ئەهواز و شووشتەر"، بە بەڕێوەبردنی کۆبوونەوەی ناڕەزایەتی لە بەرامبەر بینای ئیدارەکانی دابینکردنی کۆمەڵایەتی، خوازیاری چارەسەرکردنی کێشەکانیان کردووە.
هەروەها ئەنجوومەنی خانەنشینکراوەکانی ئێران ڕایگەیاند کە کۆبوونەوەی ناڕەزایەتیی خانەنشینکراوەکانی دابینکردنی کۆمەڵایەتی لە شارەکانی کرماشان و ڕەشت بەڕێوە چووە.
خانەنشینکراوان بە وتنەوەی دروشم، خوازیاری ئەوەن کە دەرمانی بێبەرامبەر و خزمەتگوزاریی گونجاویان بۆ دابین بکرێت.
