کوێستان عومەرزادە

‎چاوەڕێم شنەیەک

‎بە سەبەتەیەک شەوبۆوە

‎بێ و

‎باخچەکەم پڕ کات

‎لە خۆی

‎گیانێک وەبەر بێنی

‎هەرچی دار گێلاسی

‎ڕوحمە

‎بکەونە سەما

‎چاوەڕێم

‎شێعرێک بێ و

‎خۆی لە بەردەم ئاوێنەی

‎ژوورەکەم

‎ڕووت ڕووت کاتەوە

‎هەرچی تەزووی نێو گیانتە

‎هەرچی

‎وردە خەیاڵی ناخمە

‎بیخاتە سەر تۆڕی کراسەکەم

‎من ئیتر کاتی تۆ واتا

‎ئەو دی

‎توند توند خۆم دەپێچمەوە

‎هەرچی لامە دەیشارمەوە

‎دەترسێم

‎بێتوو هەرچی لامە بیدزێ لێم

هەروەک چۆن

‎ئەوینی دزیم

‎ڕووناکی لە سێبەری

‎پێکانم

‎ون کرد

‎هەرچی تەزووی ماچ بوو

‎لەباری برد

‎ئیتر من خۆم لەبیر دەکەم

‎ئەویش ئەوی

‎دۆڕاو، هەڵات و

‎لەوی بەسەر ڕوخساری

‎ئیوارەیەکی

‎خەواڵوودا

‎جێ دێڵم

‎کاتی شنە دێ

ئیتر من خەمی تۆم نابێ

‎چون ئەوکات

‎دل پر دەبێ لە گەوهەر و

‎ماڵ لە ڕووناکیی تریفە و

‎باخچە لە بۆنی عەتر

‎تۆ ئیتر

‎بە خەیاڵیش

‎ناکەویە سەر نیگام