لە ماوەی مانگی جولای ٢٠٢٣دا، لانیکەم ٢٠ کۆڵبەر و کاسبکاری کورد لە سنوورەکانی ڕۆژهەڵاتی کوردستان، کوژراون یان بریندار بوون.
بەپێی ئاماری ڕێکخراوی مافی مرۆڤی هەنگاو" کە ڕێکەوتی ١٠ی گەلاوێژ بڵاوی کردووەتەوە، لە ماوەی مانگی جولای ٢٠٢٣دا، لانیکەم ٢٠ کۆڵبەر و کاسبکار لە سنوورەکانی کوردستان کوژراون یان بریندار بوون کە ٨٥ لەسەدی ئەو حاڵەتانەش بە تەقەی ڕاستەوخۆی هێزە چەکدارەکانی کۆماری ئیسلامیی ئێران بوونەتە قوربانی.
بەپێی ئەو ئامارە، ٢ کۆڵبەر گیانیان لەدەست داوە و ١٨ کۆڵبەر بریندار بوون کە ٣ کەسیان مێرمنداڵ بوون و تەمەنیان ژێر ١٨ ساڵ بووە.
هەروەها پارێزگای کرماشان بە ١٤ حاڵەت، زۆرترین ڕێژەی قوربانیبوونی کۆڵبەران و کاسبکارانی تێدا تۆمار کراوە.
