ناوەندی پێوەندییە گشتییەکانی حیزبی دێموکراتی کوردستانی ئێران، لە پەیامێکدا پیرۆزبایی یەکگرتنەوەی لە بەڕێوەبەریی هاوبەشی پارتی ئازادی کوردستان و تەڤگەری دێموکراتیکی کوردستان کرد.
دەقی پەیامەکە بەم شێوەیەیە:
بەخۆشحاڵییەوە بەیاننامەی یەکگرتنەوەی ئێوەمان لە ڕێکخراوێکی نوێ پێگەییشت، ئەو هەنگاوە سیاسی و مێژووییەتان پەیامێکە بۆ یەکیەتی و برایەتی و هاوخەباتیی زیاتری حیزب و لایەنە سیاسییەکانی باکووری کوردستان.
بە ناوی ناوەندی بەڕێوەبەریی حیزبی دێموکراتی کوردستانی ئێرانەوە، گەرمترین پیرۆزبایی ئەم یەکگرتنەتان لێ دەکەین و هیوای سەرکەوتنی زیاترتان لە خەبات بۆ وەدیهێنانی ئامانجە سیاسی و نەتەوەییەکانی گەلی کوردمان لە باکووری کوردستان بۆ بە ئاوات دەخوازین.
حیزبی دێموکراتی کوردستانی ئێران لەو باوەڕەدایە، ڕزگاریی نیشتمان لەدەست دیکتاتۆری و کۆنەپەرستی تەنیا بە یەکگرتوویی تێکۆشەرانی گەلەکەمان و باڵپشتیی ئەو گەلە خۆڕاگر و مافخوازە دەستەبەر دەبێت.
پیرۆز بێت یەکگرتنتان
حیزبی دێموکراتی کوردستانی ئێران
ناوەندی پێوەندییە گشتییەکان
محەممەدنەزیف قادری
