کۆماری ئیسلامی لە ترسی سەرهەڵدانی خوێندکاران دەسپێکی کردنەوەی زانکۆکانی کە پێشتر ٢٥ی خەرمانان دیاری کرابوو بۆ مانگی ڕەزبەر وەدوا خست.
شۆرای سێنفیی خوێندکارانی ئێران ڕایگەیاند کە لە زۆربەی زانکۆ گرینگ و گەورەکانی ئێران سەرەڕای ئەوەیکە پێشتر ڕۆژی ٢٥ی خەرمانان بۆ کردنەوە و دەسپێکی خوێندن لە زانکۆکان دیاری کرابوو، ڕێکەوتی کردنەوەکانیان بۆ یەک تا دوو حەوتوو دواتر واتە مانگی ڕەزبەر وەدواخست و هەڕەشەشیان لە خوێندکاران کردووە کە بە هیچ شێوەیەک لە هیچ کۆبوونەوەیەکی ناڕەزایەتی و چالاکییەکی دژی ڕێژیمدا بەشداری نەکەن.
هەر بەپێی ڕاگەیەندراوی ئەو ڕێکخراوە خوێندکارییە، زانکۆی فێردەوسی ڕایگەیاندووە کە تەنانەت دوو حەوتووی سەرەتای ڕەزبەریش کلاسەکانی خوێندن بە ئانلاین دەکرێتەوە و چوونی خوێندکاران بۆ زانکۆ ڕێگەپێدراو نییە.
