بەشێک لە بنەماڵەی دەسبەسەرکراوانی ڕۆژی ڕابردووی گوندی ئاغەرەی سەر بە شاری تیکاب بۆ بەدواداچوونی چارەنووسی خەڵکی ئەو گوندە لە بەردەم بنکەی هێزەکانی ڕێژیم لە شاری تیکاب کۆبوونەوەی ناڕەزایەتییان بەڕێوە برد.
بەپێی هەواڵی سەرچاوەکانی مافی مرۆڤی کوردستان، بەرەبەیانیی ئەمڕۆ سێشەممە ١٠ی گەلاوێژی ١٤٠٢ی هەتاوی، بەشێک لە بنەماڵەی ئەو کەسگەلەی کە لە هێرشی هێزەکانی ڕێژیم بۆ سەر گوندی ئاغەرە و دوابەدوای تێکهەڵچوونی ئەو هێزانە لەگەڵ خەڵکی ناڕازی لە بەردەم کانگای زێڕی ئەو ئاواییە و دەسبەسەرکردنی دەیان کەس و بریندارکردنی ٣ کەسی لەلایەن بەکرێگیراوانی کۆماری ئیسلامییەوە لێکەوتەوە، کۆ بوونەوە و داوای ئازادکردنی خەڵکی ئەو گوندەیان کرد.
جێگای ئاماژەیە شەوی دووشەممە ٩ی گەلاوێژ، هێزە حکوومەتییەکان هەڵیانکوتاوەتە سەر گوندی "ئاغەرە" و زیاتر لە ۵٠ کەسیان دەسبەسەر کردووە کە تاکوو ئێستا ناسنامەی ٢٩ کەسیان ئاشکرا بووە.
