کوێستان عومەرزادە

‎بۆنی ئازادی
‎بە سەر لولەی تفەنگەوە
‎بڵێسەی شۆرشی گرتووە
‎وڵات بۆتە یەک ڕەنگ و
‎تەنها و تەنها
‎دەنگی ژینا دەبیسی
‎ئەمە سەمای ناو دەستە ئاوریشمیەکانی
‎ئەوە
‎گڕی تۆڵەی هەڵگرتوە
‎ئەو تریفە درەوشاوەی نیشتیمان
‎ئاوازی ئازادی دەخوێنی
‎ئەمە خەوە یان مۆتەکەی پاییز
‎پەنجەی زولم دەوەرێنی!
‎بلێسەی شۆڕش دەکاتە بەرگی
‎ئەم وەرزە و
‎هەرچی بێدەنگیی شارە
‎دەیشکێنێ
‎من کیژی  چاوکراوە ی پڕخەیاڵی
‎نیشتیمانم
‎وەرن بڵێسەی ئەم شۆڕشە
‎بلاوێنین
‎پرچەکانتان بدەن بەدەم
‎شنەی شەماڵی ئازادی 
‎بزەی پاییز بۆ گولەگەنم و 
‎گوندی ئەم وڵاتە
‎ببارێنین
‎ئەم مەشخەڵە بگرنە دەست
‎هەموو ڕابن  
‎لە وەرزی پاییزێکدا خونجەی بەهارم گرتوە
‎گوڵی سوورم دا لە یەخەی
‎نیشتیمان
‎من سەرچۆپی ئەم گۆوەندەم لەدەستە و
‎ئێوەش ببنە
‎هاونیشتیمان
‎تا بڵێسەی ئەم شۆڕشە
‎دەکەینە مەشخەڵی
‎سەرهەڵدان!