کوردستان میدیا

ماڵپەڕی ناوەندیی حیزبی دێموکراتی کوردستانی ئێران

بەڕێوەچوونی كۆڕە شێعری " تا زرێبار و دێڕێک " لەلایەن ئەنجومەنی فەرهەنگی ئەدەبیی مەریوانەوە

12:50 - 11 خەرمانان 2723

کۆڕە شێعرێک لەژێر ناوی "تا زرێبار و دێڕێک"، لەلایەن ئەنجومەنی فەرهەنگی ئەدەبیی مەریوانەوە بۆ شاعیرانی ڕۆژهەڵاتی کوردستان، بەڕێوە چوو.

لە ماوەی ڕۆژانی ڕابردوودا لە شاری مەریوان بە بەشداریی سەدان شاعیر و نووسەری کورد لە پارێزگاکانی ئیلام، کرماشان، ورمێ و سنە، لەلایەن ئەنجومەنی فەرهەنگی ئەدەبیی مەریوانەوە کۆڕە شیعرێک بە مەبەستی پەرەپێدانی بیری نەتەوەیی و لێک نزیککردنەوە و هاوئاهەنگیی زیاتری شاعیرانی ڕۆژهەڵاتی کوردستان بۆ پرسە نەتەوەیی و ئەدەبییەکان بەڕێوەچوو.

بە وتەی بەڕێوەبەرانی ئەو کۆڕە، ئامانج لەم کۆبوونەوانە ورووژاندنی زیاتری هەستی نەتەوەیی و نیشتمانی و کۆکردنەوەی زاراوە جیاوازەکانی زمانی کوردی لەم بەشەی کوردستان و هەروەها لێک نزیک‌کردنەوەی شاعیرانی کوردستان لە یەکتر بۆ هاوئاهەنگی و هاوبەشی لە پرسە گەورە نیشتمانییەکان بووە.