دایە "گوڵێ سوڵتانی"، دایکی شەهید محەممەد شەریفی، خەڵکی گوندی زەنگیاوێ سەر بە شاری پیرانشار، ڕۆژی پێنجشەممە ٤ی خەزەڵوەر، ماڵاوایی لە ژیان کرد.
دایە گوڵێ ژنێکی دڵسۆز و وەفادار بە ڕێبازی شەهیدان بوو و هەمیشە ئاواتی ئەوە بوو ڕزگاریی کوردستان بە چاوی خۆی ببینێت.
شەهید محەممەد شەریفی کوڕی دایە گوڵێ پێشمەرگەیەکی بوێر و فیداکاری نێو ڕیزەکانی هێزی پێشمەرگە بوو کە ڕێکەوتی ١٠ی گەلاوێژی ساڵی ١٣٦٣ی هەتاوی، لە خدراوێ لە تێکهەڵچوون لەگەڵ هێزەکانی ڕێژیمی ئێران شەهید بوو و تێکەڵ بە کاروانی نەمرانی حیزب و گەل بوو.
حیزبی دێموکراتی کوردستانی ئێران بەبۆنەی کوچی دوایی دایە گوڵێ سوڵتانی، سەرەخۆشی لە بنەماڵە و کەسوکاری ناوبراو دەکات و خۆی بە هاوخەمیان دەزانێت.
