ڕۆژی دووشەممە، ٢٢ی خەزەڵوەر، کاک عەلی نادری، کەسایەتیی نیشتمانپەروەری خەڵکی گوندی زێران، سەر بە شاری جوانڕۆ، بە هۆی جەڵتەی دڵەوە و لە تەمەنی ٧٢ ساڵیدا، ماڵاوایی لە ژیان کرد.
ناوبراو کەسایەتییەکی خۆشناوی شاری جوانڕۆ و دەوروبەری بوو.
بنەماڵەی کاک عەلی بە درێژایی ژیانیان لە بەرانبەر ستەمی دەسەڵاتداران بێدەنگ نەبوون و بەشدارییان لە شۆڕشدا کردووە.
برایەکی کاک عەلی بە ناوی محەممەد نادری، پێشمەرگەی حیزبی دێموکرات بووە. شەهید محەممەد نادری لەپێناو ڕزگاریی گەل و نیشتمانەکەیدا، گیانی بەخت کردووە و چووەتە ڕیزی کاروانی نەمرانی گەلەوە.
حیزبی دێموکراتی کوردستانی ئێران، بەبۆنەی کۆچی دوایی کاک عەلییەوە، سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
