ڕۆژی شەممە ٢٧ خەزەڵوەر، سینا وەیسی، لاوی تەمەن ٢٥ ساڵی خەڵکی سنە و دانیشتووی وڵاتی بریتانیا، توانیی له وەرزشی MMA بەرامبەر وەرزشوانێکی وڵاتی ئینگلیس، سەرکەوتن بۆ خۆی مسۆگەر بکا.
سینا وەیسی، ئەندامی حیزبی دێموکرات و خەڵکی گوندی تەنگیسەر سەر بە شاری سنەیە و لە تەمەنی ١١ ساڵییەوە لە بواری وەرزشدا چالاکیی هەیە.
هونەری جەنگیی تێکەڵاو، یان MMA، تێکەڵەیەک لە چەندین وەرزشی شەڕکەرە کە ڕێگە بە وەرزشوان دەدات لە چوارچێوەی هەندێک یاسادا شەڕ بکات و هەندێک تەکنیک لە چەندین شێوازی شەڕی جیاواز لەوانە بۆکس، جۆدۆ و موی تای و جیو جیتسوی بەرێزیلی بەکار بهێنێت، بۆ ئەوەی بەسەر بەرامبەرەکەیدا زاڵ بێت.
