لە ڕۆژانی ڕابروودا، کاک سەید مەحموود قەدیری، خەڵکی گوندی گۆلێ، سەر بە ناوچەی نەغەدە، لە تەمەنی ٥٩ ساڵیدا، ماڵاوایی لە ژیان کرد.
کاک سەید مەحموود پێشتر ماوەی چەند ساڵێک پێشمەرگە بووە و دوای ماوەیەک زیندانیبوون، سزای لەسێدارەدرانی بۆ دەرچووە کە ئەم سزایە دواتر بۆ ٥ ساڵ و ٤ مانگ بەندکران، گۆڕدراوە.
ناوبراو بەردەوام لەژێر چاوەدێری و ئەزیەت و ئازاری دەزگا سەرکوتکەرەکانی ڕێژیمدا بووە.
برایەکی کاک سەید مەحموود، بە ناوی سەید جەلال قەدیری، پێشمەرگەی حیزبی دێموکرات بووە کە بەداخەوە لە ساڵی ١٣٦٣ی هەتاویدا و لە دەرگیرییەکدا چووەتە ڕیزی کاروانی نەمرانی گەلەوە.
کاک سەید مەحموود هەتا دوایین ساتەکانی ژیانی وەفادار بە ڕێگا و ڕێبازی شەهیدان بوو.
حیزبی دێموکراتی کوردستانی ئێران، بە بۆنەی کۆچی دوایی کاک سەید مەحموودەوە، سەرەخۆشی لە بنەماڵە و کەسوکاری ناوبراو دەکات و خۆی بە هاوبەشی خەمیان دەزانێت.
