باڵوێزی ئیسرائیل لە ڕێکخراوەی نەتەوە یەکگرتووەکان بە ئاماژە بە پشتیوانیی ئیلان ماسک لە ئیسرائیل، خوازیاری داخستنی هەژماری خامەنەیی لە تۆڕی کۆمەڵایەتی "ئیکس" بوو.
گیلاد ئاردان لە هەژماری ئیکسی خۆی نووسی: ئێستا کاتی کردەوەیە. ئەو کەسانەی وەک عەلی خامەنەیی کە دەیانهەوێت جوولەکەکان کۆمەڵکوژ بکەن و وڵاتی ئیسرائیل لەنێو بچێت، دەبێت لە ئیکس و هەموو تۆڕە کۆمەڵایەتییەکان دەر بکرێن.
ئیلان ماسک خاوەنی تۆڕی کۆمەڵایەتی "ئیکس" دوێنێ دووشەممە لە وتووێژ لەگەڵ نێتانیاهوو لە ئورشەلیم، پشتیوانیی خۆی لە ئیسرائیل لە شەڕی دژ بە حەماس ڕاگەیاند.
