لە ماوەی ڕۆژانی ڕابردوودا، پێشمەرگەیەکی پێشووی حیزبی دێموکرات لە شاری مەهاباد، کۆچی دوایی کرد.
کاک حوسێن خۆش‌نەزەر، ناسراو بە حوسێن ڕەشاش، خەڵکی ئاوایی دەرمان سەر بە ناوچەی مەحاڵی شاری مەهاباد بووە و بۆ ماوەی ٥ ساڵ لە ڕیزەکانی حیزبی دێموکراتی کوردستانی ئێراندا، پێشمەرگایەتیی کردووە.
کاک حوسێن کەسێکی خۆشناو و جێگای ڕێزی خەڵكی ناوچەکە و لە هەمان کاتدا دڵسۆزی حیزبی دێموکرات بووە و بە هەموو شێوازێک یارمەتیدەری هێزی پێشمەرگەی کوردستان بووە.
حیزبی دێموکراتی کوردستانی ئێران، بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
