ئەمڕۆ هەینی، ١٩ی خەزەڵوەر، تەرمی خدر ڕەش‌ئەحمەدی هونەرمەند و ئەکتەری ناسراوی ڕۆژهەڵاتی کوردستان، لەنێو ئاپۆرای خەڵكی کوردستاندا و لە شاری مەهاباد، بە خاک ئەسپێردرا.
خدر ڕەش‌ئەحمەدی هونەرمەند و ئەکتەری ناسراوی کوردی خەڵکی مەهاباد، ڕۆژی پێنجشەممە، ١٨ی خەزەڵوەر، لە تەمەنی ٦٦ ساڵیدا و بە هۆی نەخۆشییەوە، ماڵاوایی لە ژیان کرد.
خدر ڕەش‌ئەحمەدی، ساڵی ١٣٣٦ لە گەڕەکی "ئەرمەنییان"ی مەهاباد لەدایک بووە و خوێندنی سەرەتایی و ناوەندیی لەم شارەدا تەواو کردووە.
ناوبراو ساڵی ١٣٥٥، بە فەرمی چووەتە نێو دنیای هونەرەوە و لە بوارەکانی شانۆ و تێئاتردا چالاکیی کردووە.
ناوبراو بە فەرمی لە ساڵی ١٣٥٥دا چووەتە بواری سینەماوە و ساڵانێک لە بواری سینەما و تێئاتردا چالاکیی کردووە، بەڵام لە ساڵی ١٣٨٩دا بە هۆی جەڵتەی مێشکەوە لە سینەما دابڕاوە و لەژێر چاوەدێریی پزیشکیدا بووە.
