ڕۆژی پێنجشەممە، ١٦ی سەرماوەز، کاک ئومید مورادی، ئەندامی حیزبی دێموکرات بە هۆی وەستانی دڵ، کۆچی دوایی کرد.
کاک ئومید مورادی، لە ساڵی ١٣٨٧ی هەتاویدا، پێوەندیی بە حیزبی دێموکراتەوە گرت و وەکوو ئەندامی تەشکیلاتی نهێنی لە بۆکان، سازمان درا.
ناوبراو ئەندامێکی دڵسۆزی حیزبی دێموکرات بوو و هەتا دوایین ساتەکانی تەمەنی، وەفادار بە ئامانج و ڕێبازی حیزبەکەی مایەوە.
خوشکێکی کاک ئومید بە ناوی دڵشاد مورادی، لە ڕیزی ئەندامانی ئاشکرای حیزبی دێموکراتدایە.
حیزبی دێموکراتی کوردستانی ئێران بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
