لە ماوەی دوو ڕۆژی ڕابردوودا و لە درێژەی کۆبوونەوە ناڕەزایەتییەکانی توێژە جۆراوجۆرەکان، چەند کۆبوونەوەی ناڕەزایەتی لە شارەکانی کوردستان و ئێران بەڕێوە چوو.
ڕۆژی سێشەممە ٢١ی سەرماوەز کۆمەڵێک لە خانەنشینکراوانی دەوڵەتی و تەئمین ئێجتماعی لە شارەکانی کرماشان، سنە، ئەهواز، قەزوێن، ئەردەبێڵ و ئەراک بە دروشمدان و بەرزکردنەوەی پلاکارد، لە بەردەم سەندووقی خانەنشینکراوان لەو پارێزگایانە کۆبوونەوەی ناڕەزایەتییان بەڕێوە برد و داواکاری پێڕاگەیشتن بە مافە پێشێلکراوەکانیان بوون.
هەروەها کۆمەڵێک لە هاووڵاتییان و بازاڕییان لە بەندەری گەناوە لە شەقامێکی ئەو شارە کۆبوونەوەی ناڕەزایەتییان بەڕێوە برد و خوازیاری مافەکانیان بوون.
هەر لەم پێوەندییەدا ڕۆژی دووشەممە ٢٠ی سەرماوەز بەشێک لە کرێکارانی کارخانەی "فوولادی ئارمان شەفەق" دەستیان لە کار کێشایەوە و لە شوێنی کارەکەیان کۆ بوونەوە.
