"کاکە ڕەش"
لە پێشوازی وە‌رزی سپیی بە‌فردا
بۆ هێمای پێناسە‌ی وڵاتی پیرۆز
لە کتێبی خە‌باتی برین و سە‌نگە‌ر
بۆ ئازادیی نیشتمان لە دایک بوو
...
مانایە‌ک لە تیشک و بارانێک وانە
سە‌نگە‌رێک لە ئارشیوی پڕ سرنج
بۆ دیمە‌نی کۆڵکەزێرینە‌ی وڵات
تا نیگای باڵی شە‌قام لە دایک بوو
...
ڕوحی کردە خە‌ڵاتێک لە مەزار و
جە‌ستە‌ی پر هه‌نگاوی لە کوردستان
بۆ کۆڵنە‌دانی بێ وچان و گڕ و تین
تا دوا پشووی کوێستان لە دایک بوو
...
هه‌نگاوی پر مە‌رگ و گوڵێک پر لە نوێژ
سە‌نگە‌ری زام و سە‌فە‌ری بێگە‌رانە‌وە!
تا ڕزگاریی وڵات ڕێگای زۆر مە‌رگ دە‌پێوی
بۆ زە‌ریای نە‌مانی دوژمن لە دایک بوو
...
سوورە لەسە‌ر بە‌لێن و قوتابیی دێموکراتە
دە‌فرێ بە سە‌ر وڵات و، وە‌رزی بە‌هاری پێیە
مێژووی ڕووباری خوێنە و تیشکی نیشتمانە
بۆ سپێدە‌ی ژیان و نه‌مانی شه‌و لە دایک بوو
