حیجاببانەکان و هێزە لیباس شەخسییەکان، لە مێترۆکانی تاراندا و بە شێوەی لەناکاو، جانتا و مۆبایلی خەڵک دەپشکێنن.
حیجاببانەکان، جیا لەوەی کە جانتا و مۆبایلی خەڵک دەپشکێنن، بە شێوەی نایاسایی و بە بیانووی ڕەچاونەکردنی حیجابەوە فیلمیان لێ هەڵدەگرنەوە و کۆدی ڕیجێستێری مۆبایلەکانیشیان لای خۆیان تۆمار دەکەن.
بەپێێ زانیارییەکان ئەم بڕیارە لەلایەن وەزارەتی نێوخۆی ئێرانەوە دراوە و شارەوانیی تارانیش هاوکاری سەرەکیی جێبەجێکردنی بڕیارەکەیە.
لەحاڵێکدا کە پێشتر بەرپرسانی ڕێژیم بانگەشەی ئەوەیان دەکرد کە چالاکیی حیجاببانەکان خۆڕسکە و پێوەندیی بە ناوەندەکانی ڕێژیمەوە نییە، بەرپرسی شۆڕای باڵای فەرهەنگیی ئێران، ڕایگەیاند کە چالاکیی ئەم گرووپە بەشێوەی ڕێکخراو و لەژێر چاوەدێریی وەزارەتی نێوخۆدا ئەنجام دەدەرێ.
چالاکیی تیمەکانی بەناو حجاببانان لە شەقامە قەرەباڵغەکانی شار و بەتایبەت وێستگەکانی میترۆ، لە چەند مانگی ڕابردوودا کاردانەوەی زۆری بەدوای خۆیدا هێناوە.
