ڕۆژی هەینی ١٧ی سەرماوەز، کاک جەعفەر نەزەری کوڕی سەیدعەبدولڕەحمان تاوەگۆزی، خەڵکی گوندی شێخ سێڵەی ناوچەی سەلاس، بەهۆی پیری و نەخۆشی، لە زەڕایەن ماڵاوایی لە ژیان کرد.
کاک جەعفەر ساڵی ١٣٥٨ی هەتاوی چەکی بەرگری لە گەل و نیشتمانی کردە شان و بوو بە پێشمەرگە.
ناوبراو ئەرکی پیرۆزی پێشمەرگایەتیی لەهێزی شاهۆ و کومیتە شارستانی مەریوان دەست پێکرد و بۆ ماوەی چەند ساڵ وەک پێشمەرگەیەکی ئەرک وەخۆگر لە خزمەت حیزبەکەیدا بوو.
دواتر بە هۆی گرفتی ژیانەوە ناچار بوو واز لە پێشمەرگایەتی بێنێ بەڵام هەتا کۆتایی ژیانی وەک ئەندامێکی دڵسۆز و خەمخۆر، لە ڕیزەکانی تەشکیلاتی ئاشکرای حیزب لە باشووری کوردستاندا لە خزمەت حیزبەکەیدا بوو.
حیزبی دێموکراتی کوردستانی ئێران، بەم بۆنەوە، سەرەخۆش لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
