ڕۆژی دووشەممە ١٨ی بەفرانبار جاستین ترۆدۆ سەرۆکوەزیرانی وڵاتی کانادا لە ڕێوڕەسمی یادکردنەوەی قوربانییانی فڕۆکەی ئۆکراینی کە لە ١٨ی بەفرانباری ٩٨دا لەلایەن سپای پاسدارانەوە خرایە خوارەوە، بە بەشداریی بنەماڵەی قوربانییان وتی: وڵاتەکەی دەیهەوێ سپای پاسداران بخاتە ناو لیستەی گرووپە تێرۆریستەکان و ئەوە داواکاریی بنەماڵەی قوربانیانیشە.
لە مانگی ڕابردوودا چەندین بەرپرسی دیکەی وڵاتی کانادا وتیان کە بژاردەی بە تێرۆریستناسینی سپای پاسداران دەبێ هەبێ، و وتیان کە وڵاتەکەیان پشتیوانی لە بەهێزکردنی ئەمنییەت دەکات، و کار لەسەر وڵامدەرکردنی گرووپە تێرۆریستییەکانی وەکوو سپای پاسدارانش دەکات.
ترۆدۆ لە بەشێکی دیکەی قسەکانیدا وتی کە کانادا هیچکات کارەساتی خستەخوارەوەی فڕۆکەی ئۆکراینی لەبیر ناکات و هەروەها سەرکوتکردنی ناڕەزایەتیەکانی ساڵی ڕابردووی خەڵکی ئێران و دادگای شانۆیی ڕێژیمی ئێرانیشی مەحکووم کرد.
لەو ١٧٦ کەسە کە بوونە قوربانی خستەخوارەوەی فڕۆکەی ئۆکراینی لەلایەن ڕێژیمی ئێرانەوە ٥٥ کەسیان هاووڵاتیی کانادا بوون و ٣٠ کەسیشیان مافی پەنابەریی وڵاتیی کانادایان پێ درابوو.
