لە درێژەی ناڕەزایەتییەکان بە خراپیی دۆخی ئابووری و گرینگینەدانی بەرپرسانی ڕێژیم بەم پرسە، کۆمەلێک لە ناڕازییان لە تاران، کۆبوونەوەی ناڕەزایەتییان بەڕێوە برد.
ڕۆژی چوارشەممە، ٢٠ی بەفرانبار، کۆمەڵێک لە مامۆستایانی کورد لە شارەکانی کوردستان و لە پارێزگانای ورمێ و سنە، لە بەردەم رێکخراوی بەرنامە وبوودجەی ڕێژیم لە تاران کۆ بوونەوە و بەنیسبەت خراپیی دۆخی ئابووری و گرینگینەدانی ڕێژیم بەم پرسە ناڕەزایەتییان بەڕێوە برد.
چین و توێژە جیاجیاکان، ڕۆژانە لە شارەکانی کوردستان و ئێران بە نیشانەی ناڕەزایەتیدەربڕین بە خراپیی دۆخی ژیان دێنە سەر شەقامەکان و داوای جێبەجێکرانی مافەکانیان دەکەن، بەڵام تاکوو ئێستا بەرپرسانی ڕێژیم سەبارەت بە داواکارییەکان هیچ هەنگاوێکی ئەرێنییان هەڵ نەگرتووە.
