هەواڵدەرییەکانی کۆماری ئیسلامی ڕۆژی چوارشەممە ٢٧ بەفرانبار، هەواڵی کوژرانی ئەندامێکی دیکەی سەر بەسپای پاسدارانیان لە ڕێگای خاش بۆ زاهیدان لە پارێزگای سیستان و بەلووچستان ڕاگەیاند.
شوناسی ئەو پاسدارەی ڕێژی، حوسێنعەلی جاودانفەر ڕاگەیەندراوە کە یەکێک لە ئەندامانی سپای سەلمانی سیستان و بەلووچستان بووە.
بەپێی زانیارییە بڵاوکراوەکان ئەم کەسە لە ڕێگای خاش بۆ زاهیدان لەلایەن کەسانی نەناسراوەوە تەقەی لێ کراوە و کوژراوە.
جەیشولعەدل دوای چەند کاتژمێر بەرپرسایەتیی هێرشەکەی لە ئەستۆ گرت.
لە ماوەی ڕابردوودا هێزە چەکدارەکانی ڕێژیمی کۆماری ئیسلامی لە سیستان و بەلووچستان چەندین جار لەلایەن کەسانی چەکدارەوە کراونەتە ئامانج و کوژراون.
