ڕۆژی یەکشەممە، ١٠ی بەفرانبار، کاک تەحسین موستەفەوی کوڕی مستەفا، لە تەمەنی ٥٠ ساڵیدا کۆچی دوایی کرد.
کاک تەحسین لە بنەماڵەیەکی خۆشناوی نۆدشە لەدایک بوو و دانیشتووی شاری مەریوان بوو.
کاک تەحسین کەسێکی نیشتمانپەروەر و دۆستێکی دڵسۆزی حیزبی دێموکراتی کوردستانی ئێران بوو.
ناوبراو بە درێژایی دوو دەیەی ڕابردوو و بەتایبەت لە کاتی شۆڕشی ژینادا، هاندەری لاوان بۆ خۆڕاگری و بەربەرەکانێ دژ بە کۆماری ئیسلامیی ئێران بوو.
حیزبی دێموکراتی کوردستانی ئێران، بەم بۆنەوە، سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
